საქართველო პირველად შეუერთდა გლობალურ საზოგადოებას მდგრადი გასტრონომიის დღის აღნიშვნას.
აღნიშნული ღონისძიება ტურიზმის ეროვნული ადმინისტრაციის მხარდაჭერით და Tbilisi Gastro Week-ის ორგანიზებით გაიმართა.
გახსნის ცერემონიას საქართველოს ტურიზმის ეროვნული ადმინისტრაციის ხელმძღვანელი მაია ომიაძე დაესწრო და დამსწრე საზოგადოებას მისასალმებელი სიტყვით მიმართა.
ამ დღის აღსანიშნავად, თბილისი გასტრო კვირეულის ფარგლებში, მოწვეულია ცნობილი შეფ-მზარეული ნულოვანი ნარჩენების შემცველ გასტრონომიაში, ალბერტ ფრანშ სანიერი.
Tbilisi Gastro Week-ის მიზანია სტუმრებისთვის დაუვიწყარი, ექსტრავაგანტური და
უნიკალური გამოცდილებისა და შთაბეჭდილებების შექმნა, გასტრონომიის
ინდუსტრიის წარმომადგენლებისთვის კი - ახალი პერსპექტივების გაჩენა როგორც
ადგილობრივ ბაზარზე, ისე - საერთაშორისო გასტროტურიზმის მიმართულებით.
