ლონდონი-სინგაპურის რეისზე 1 მგზავრი დაიღუპა, 30 კი დაშავდა. კომპანიის ინფორმაციით, მიზეზად ძლიერი ტურბულენტობა სახელდება.
"Singapore Airlines ღრმა მწუხარებას უცხადებს გარდაცვლილის ოჯახს. ბოდიშს ვიხდით ტრავმული გამოცდილებისთვის, რომელიც განიცადეს ჩვენმა მგზავრებმა და ეკიპაჟის წევრებმა ამ რეისზე" - განაცხადა ავიაკომპანიამ და დაამატა, რომ ისინი, ტაილანდის ხელისუფლებასთან ერთად, ყველა საჭირო დახმარების უზრუნველსაყოფად მუშაობენ.
მათივე ცნობით, დაშავებულები სამედიცინო დახმარებას საავადმყოფოებში გადიან. ბორტზე 211 მგზავრი და 18 ეკიპაჟის წევრი იმყოფებოდა.
