ბრწყინვალე შვიდეულის სამშაბათს გორში, ტრადიციულად, სახალხო დღესასწაულ ოქონობას აღნიშნავენ.
ოქონის მშენებარე ტაძარში ატენისა და გორის მიტროპოლიტმა ანდრიამ სადღესასწაულო წირვა-ლოცვა აღავლინა. წირვის შემდეგ კი ქალაქის ქუჩებში ტრადიციული მსვლელობა გაიმართა. სასულიერო პირებმა მოსახლეობა დალოცეს და ქალაქის ქუჩები აკურთხეს.
ოქონობის დღესასწაული ატენისა და გორის მიტროპოლიტ ანდრიას ლოცვა-კურთხევით 2004 წელს აღდგა და წელს მეთექვსმეტედ აღინიშნება.
დღესასწაული ოქონის ხატს უკავშირდება, რომელიც მე-12 საუკუნიდან გორის მფარველად მიიჩნეოდა. ხატი 1991 წელს ქართულ-ოსური კონფლიქტის დროს დაიკარგა და 2001 წელს კრისტის აუქციონზე აღმოაჩინეს.
